Զոհվածների հարազատները պահանջում են չեղարկել «գունագեղ ու մասշտաբային միջոցառումը»

Հասարակություն 10.09.2021   18:00   3598

44-օրյա պատերազմում զոհված զինծառայողների հարազատները ֆեյսբուքում ֆլեշմոբ են կազմակերպել, որով պահանջում են չեղարկել սեպտեմբերի 21-ին կայանալիք «գունագեղ ու մասշտաբային միջոցառումը»։

Զոհված զինծառայող Մխիթար Գալեյանի մայրը՝ Աստղ Գալեյանը, գրել է

«Ես` հերոս Դուխավիկ Մխիթարի մայրս, դատապարտում եմ սեպտեմբերի 21-ին տեղի ունեցող գունագեղ միջոցառումը և պահանջում չեղարկել այն...»։

Զոհված զինծառայող Արթուր Սուքիասյանի հարազատներից Լալա Վարդանյանը, գրել է, որ դատապարտում է բոլորին, ովքեր կմասնակցեն միջոցառմանը.

«Ես` Հերոս ԱՐԹՈՒՐ ՍՈՒՔԻԱՍՅԱՆԻ հարազատն եմ և դատապարտում եմ սեպտեմբերի 21-ին տեղի ունեցող գունագեղ միջոցառումը, և յուրաքանչյուր անձի մասնակցություն ու պահանջում չեղարկել այն...»

Նման տեքստերով հանդես են եկել պատերազմում զոհված զինծառայողների տասնյակ այլ հարազատներ։

Հիշեցնենք՝ կառավարության նիստում Նիկոլ Փաշինյանը հայտարարեց, որ սեպտեմբերի 21-ին Երևանի Հանրապետության հրապարակում սպասվում է «գունագեղ ու մասշտաբային միջոցառում»՝ նվիրված Հայաստանի անկախության 30-ամյակին։ Նա նշեց, որ միջոցառումը նախևառաջ նվիրվելու է Հայաստանի անկախության և Արցախի համար զոհված նահատակների հիշատակին։ 

Նկատենք՝ Նիկոլ Փաշինյանի կազմակերպած «գունագեղ ու մասշտաբային միջոցառումը» Անկախության 30-ամյակի հետ ոչ մի կապ չունի:

 Լուսանկարներ

  Կիսվեք սոցցանցերում


 Պիտակներ
         սեպտեմբերի 21, Նիկոլ Փաշինյան, ֆլեշմոբ, պատերազմ Արցախում

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon