Ադրբեջանը Լեռնային Ղարաբաղի Մարտակերտի շրջանում խախտել է շփման գիծը. ՌԴ ՊՆ

Մարտակերտի շրջանում Ադրբեջանի կողմից շփման գծի խախտում է արձանագրվել։ Այս մասին ասվում է ՌԴ ՊՆ տեղեկատվական տեղեկագրում։

«Յարըմջա (Մարդակերտի շրջան) բնակավայրի շրջանում արձանագրվել է հաստատված շփման գծի խախտում», – ասված է հաղորդագրության մեջ:

Նշվում է, որ ռուսական խաղաղապահ զորախմբի հրամանատարության կողմից Ադրբեջանի և Լեռնային Ղարաբաղի ներկայացուցիչների հետ փոխգործակցությամբ միջոցներ են ձեռնարկվում միջադեպի կարգավորման ուղղությամբ: