DW. «Լեռնային Ղարաբաղ. սկսվել է շրջափակման երրորդ շաբաթը» (տեսանյութ)

Դեկտեմբերի 12-ի առավոտից փակ է Հայաստանն Արցախին կապող միակ ճանապարհը։

Բաքվի կողմից շրջափակված Արցախի «Արևիկ» բուժմիավորումում 10 երեխա նորածնային և վերակենդանացման բաժանմունքներում է:

Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով ԱՀ առողջապահության նախարարության ենթակայության տակ գործող բուժհաստատություններում շարունակում են դադարեցված մնալ պլանային վիրահատությունները։ 
«Արևիկ» բուժմիավորումում  10 երեխա գտնվում է  նորածնային և վերակենդանացման բաժանմունքներում:
 «Ընդերային լեյշմանիոզ» ախտորոշմամբ 4 ամսական փոքրիկի մոտ արձանագրվել է դրական դինամիկա և շարունակում է բուժում ստանալ ՀՀ մասնագիտացված բժշկական կենտրոնում:
 «Հանրապետական բժշկական կենտրոն»-ում 10 բուժառու գտնվում են վերակենդանացման բաժանմունքում, որից 4-ը ծայրահեղ ծանր վիճակում են։ Բժիշկների կողմից կատարվում է հնարավորը հիվանդների վիճակը կայունացնելու համար», տեղեկացնում է ԱՀ առողջապահության նախարարությունը։

Տեսանյոթում՝ . DW ռեպորտաժը. «Լեռնային Ղարաբաղ․ սկսվել է շրջափակման երրորդ շաբաթը»: