Հայտնի են լիցենզիա ստացած հեռուստաընկերությունների անունները (տեսանյութ)

Հեռուստատեսության եւ ռադիոյի հանձնաժողովն այսօր՝ հունվարի 15-ի նիստում ամփոփեց հանրային մուլտիպլեքսում հանրապետական և մայրաքաղաքային սփռման սլոթերի մրցույթի արդյունքները։

Հանրապետական ծածկույթ`

1. «Արմենիա թիվի»
2. «Հուսաբեր» ՓԲԸ («Երկիր մեդիա» հ/ը)
3. «Շանթ» ՍՊԸ
4. «A TV»
5. «Մուլտի Մեդիա Կենտրոն թիվի»

Մայրաքաղաքային ծածկույթ`

1. «Շարկ» ՍՊԸ (TV 5)
2. «Արմնյուզ» ՓԲԸ
3. «Արփի մեդիա»
4. Freenews
5. «Դար 21» 
6. «Նոր Հայաստան»

Մայրաքաղաքային սփռման սլոթում մեկ տեղ բաց մնաց, քանի որ մրցույթի մասնակից «Շանթ սպորտ»-ը չհավաքեց անհրաժեշտ նվազագույն շեմի միավորը և մեկ ամսվա ընթացքում ՀՌՀ-ն նոր մրցույթ կհայտարարի այս տեղի համար։

Նշված հեռուստաընկերություններից «Արփի մեդիա»-ն և «Դար 21»-ը դիմել էին միայն մայրաքաղաքային սլոթի մրցույթին, իսկ մյուսները մասնակցում էին թե’ հանրապետական, թե’ մայրաքաղաքային սփռման մրցույթներին։

Քվեարկության չդրվեցին «1in.am» և Հանրային հեռուստաընկերության երկրորդ ալիքի ներկայացրած հայտերը, քանի որ վերջիններս մրցույթից առաջ նամակ էին ուղարկել ՀՌՀ եւ հրաժարվել մասնակցությունից։

«Հ2» և «Ա1+» հեռուստաընկերությունները, չնայած հավաքած բարձր միավորներին դուրս մնացին, քանի որ դիմել էին միայն հանրապետական սփռման մրցույթին։

Մրցույթի արդյունքները վերջնական որոշմամբ ՀՌՀ-ն կհաստատի ավելի ուշ։