«  Մայիս 2021  »
ԵրկԵրքՉրքՀնգՈւրբՇբԿիր
     12
3456789
10111213141516
17181920212223
24252627282930
31

Яндекс.Метрика

Հարութ Ուլոյան. «Մի քանի նկատառում «գաղտնազերծված» նախաձեռնության վերաբերյալ»

Հարութ Ուլոյան. «Մի քանի նկատառում «գաղտնազերծված» նախաձեռնության վերաբերյալ»

Հարութ Ուլոյանը ֆեյսբուքի իր էջում գրում է.

Մի քանի նկատառում «գաղտնազերծված» նախաձեռնության վերաբերյալ

 Ակնհայտ է, որ «ի սկզբանե» ձախողված և Լևոն Տեր-Պետրոսյանի կողմից որպես անցյալի նախաձեռնություն ներկայացվող գաղափարի ներկայիս շրջանառումը ոչ թե նպատակ ուներ դրական արձագանքների արժանանալու, այլ, որպես խայծ, Քոչարյանի (ինչ-որ առումով նաև Սարգսյանի) իրական շարժառիթները հրապարակայնորեն «բացահայտելու»: 

Հրապարակման մեջ Քոչարյանի դիրքորոշման և 17-ի խմբակի հետ վերջինիս առնչության վերաբերյալ հիշատակումն արդեն իսկ փակում էր նրա առջև դուռն ու բացառում դրական արձագանքը: Ինչ վերաբերում է Սարգսյանին, ապա նրա առջև դուռը կիսաբաց էր թողնված, որը, ըստ էության, փակվեց Սարգսյանի կողմից: 

Արդյունքում ստացվում է, որ  իր նախաձեռնությամբ Տեր-Պետրոսյանը ի ցույց դրեց այն, որ Քոչարյանն ու Սարգսյանը առաջնորդվում են ոչ թե «հայրենիքը փրկելու» առաջնահերթությամբ, կամ, թեկուզ, ռեալ-պոլիտիկի թելադրմամբ, այլ զուտ իրենց անձնական ամբիցիաներով: Ակնհայտ էր, որ նման  խայծն, այո Տեր-Պետրոսյանի դեմ արհեստական բացասական լարվածություն էր առաջացնելու, սակայն արդյունքում ապացուցվեց Քոչարյանի և Սարգսյանի կողմից ստեղծված իրավիճակն ամեն գնով սեփական շահերին ծառայեցնելու գործելաոճը: 
***
Ինչ վերաբերում է իշխանությունների արձագանքներին, ապա այդ առումով իրավիճակն շատ ավելի ողբալի է:

  • Մարտի 1-ի գործը ոչնչացրած,
  • գործի բացահայտման վերաբերյալ հասարակության ուշադրությունն ու հետաքրքրվածությունը բթացրած, 
  • Քոչարյանին քաղաքական գործոն դարձրած,
  • իրենց իսկ կողմից ձևավորած Սահմանադրական դատարանի միջոցով Քոչարյանին արդարացրած

իշխանությունները խոսում են այն մասին, որ Տեր-Պետրոսյանի համար Մարտի 1-ը «հակասության» կամ «տարաձայնության» հարց է: 

Դե իրար ծափ տվեք ու ցրվեք տներով: