Շարունակվում են թշնամական ուժերի ոչնչացման գործողությունները (լուսանկարներ)
Շարունակվում են թշնամական ուժերի ոչնչացման գործողությունները։ Տեղեկությունը լուսանկարներին կից ֆեյսբուքի իր էջում հրապարակել է ՀՀ ՊՆ մամուլի խոսնակ Շուշան Ստեփանյանը։
«Վերջին օրերին տեղի ունեցած և առայսօր հարավարևելյան ճակատային գծում (Շեխեր-Կարմիր Շուկա- Թաղավարդ բնագիծ) շարունակվող մարտական գործողությունների արդյունքում ՊԲ ուժերն ու կամավորականները հակառակորդի համար իսկական «դժոխք» են կազմակերպել մեր անտառներում ու ձորերում»,- գրել է խոսնակը:
Նա նաև տեղեկացրել է, որ թշնամական ահաբեկչական խմբավորումները, հատուկ նշանակության ստորաբաժանումները կրել ու շարունակում են կրել մարդկային ու ռազմատեխնիկական մեծ կորուստներ:
Նշենք, որ ՀՀ ՊՆ ներկայացուցիչ Արծրուն Հովհաննիսյանը ֆեյսբուքի իր էջում տեղեկացրել է, որ մարտերը Արցախի արևելյան հատվածում շարունակվում են։
«Հակառակորդի զորքերը լուրջ կորուստներ են կրում»,-գրել էր նա։