Վճռաբեկը 2 ամիս է վարույթ չի ընդունում Քոչարյանի ազատ արձակման դեմ դատախազության բողոքը
ՀՀ Վճռաբեկ դատարանը 2 ամիս վարույթ չի ընդունել Մարտի 1-ի գործով գլխավոր ամբաստանյալ Ռոբերտ Քոչարյանին կալանքից ազատ արձակելու մասին Վերաքննիչ դատարանի որոշման դեմ ՀՀ գլխավոր դատախազության բողոքը:
Թե ի՞նչն է պատճառը, որ Վճռաբեկն այդքան երկար ժամանակ վարույթ չի ընդունել բողոքը հարցին, Վճռաբեկից չպատասխանեցին՝ խնդրելով գրավոր հարցում ուղարկել, գրում է newarmenia-ը:
Հիշեցնենք, որ Վճռաբեկ դատարանի նախագահը՝ դատավորների ընդհանուր ժողովի կողմից ՍԴ դատավորի թեկնածու ընտրված Երվանդ Խունդկարյանն է:
Մարտի 1-ի գործով գլխավոր ամբաստանյալ Ռոբերտ Քոչարյանը 2 միլիարդ դրամ գրավով ազատ արձակվեց կալանքից հունիսի 18-ին։ 3 մլն դոլար կաշառք վերցնելու մեջ մեղադրվողը Քոչարյանն ազատ արձակվեց մոտ 4 մլն դոլար գրավով:
Գլխավոր դատախազությունն այս որոշումը Վճռաբեկում բողոքարկել էր հունիսի 30-ին: Փաստորեն արդեն 2 ամիս Վճռաբեկ դատարանն անհասկանալի պատճառներով չի քննում բողոքը: