Լևոն Զորաբյան. Ունենք մեծ չարիք` ի դեմս Նիկոլ Փաշինյանի քաղաքականության
Շատ կոնկրետ ունենք մեծ չարիք` ի դեմս Նիկոլ Փաշինյանի քաղաքականության, որը բազմաթիվ պատուհասներ բերեց մեր երկրի վրա, ոչնչացնելով Արցախը, տալով մեր ինքնիշխան պետության տարածքները, հիմա էլ գտնվում է Զանգեզուրի միջանցքը հանձնելու գործընթացի մեջ:
Մեզ համար ամենաանընդունելի բանը այն է, որ մենք, իսկապես, կորցնում ենք մեր ինքնիշխանությունը:
Ինքնիշխանություն նշանակում է, որ քո երկրի կառավարման և քո ժողովրդի ճակատագիրը տնօրինելու հարցում դու ինքնիշխան ես և որևէ մեկը չի կարող քեզ թելադրել այս կամ այն անել:
Բայց մենք տեսնում ենք, որ այսօր Նիկոլ Փաշինյանը բացահայտ ասում է, որ եթե ընտրվի ընդդիմությունը մենք սեպտեմբերին կունենանք պատերազմ։ Ասում է՝ եթե սահմանադրական փոփոխությունները չանենք և անկախության հռչակագիրը չհանենք, մենք կունենանք պատերազմ։ Մինչև այս ասում էր, որ եթե 3 գյուղը չհանձնենք, կունենանք պատերազմ:
Սա նշանակում է մեկ բան․ Մենք մեր ինքնիշխանությունը կորցրել ենք: Բա դու ասում ես՝ խաղաղություն եմ բերել: Բա եթե եթե դու խաղաղություն ես բերել, էդ խաղաղությունը կախված է մեր Ազգային ժողովի ընտրությունների ելքի՞ց։
Հիմա ստացվում է, որ մենք ոչ թե ունենք խաղաղություն, այլ՝ Ալիևի բացարձակ իրավունք նշանակելու իր կուսակալին Հայաստանում։
Հայ ազգային կոնգրեսի վարչապետի թեկանծու
Լևոն Զորաբյան