Ազիզյան. Թուրքիայի կողմից ջրամբարաշինությունը խնդիր է առաջացրել (տեսանյութ)

Պաշտոնական 23.03.2021   12:01   130

ՀՀ շրջական միջավայրի նախարարության «Հիդրոօդերևութաբանության և մոնիտորինգի կենտրոն» ՊՈԱԿ-ի տնօրենի ժ/պ Լևոն Ազիզյանի խոսքով` Հայաստանի 5 խոշոր ջրամբարներում 74 մլն խորանարդ մետր պակաս ջուր է ամբարված այս տարի, քան անցյալ տարի: Ելնելով նախաձմեռային, ձմեռային և գարնանային վարարումների ընթացքում կանխատեսվող եղանակային պայմաններից` Հայաստանում այս տարի կանխատեսվում է նորմային մոտ ջրաբանական տարի:

«Ազատի ջրամբարում կանխատեսվում է 100% լցվածություն, Ախուրյանում` 80-85%, Արփի լիճ ջրամբարում` 65-70%, իսկ Ապարանի ջրամբարում 55-60% լցվածություն: Ապրիլ-հունիս ամիսնհերին կանխատեսվում է Սևանա լճի մակարդակի բարձրացում 37-42 սմ, իսկ տարեկան կտրվածքով 6-11 մ», - ասաց  Ազիզյանը:

Նա նշեց, որ այսօրվա դրությամբ մենք ջրային ռեսուրսների խնդիր ունենք հատկապես Արաքս- Ախուրյան հատվածում` պայմանավորված Թուրքիայի կողմից ջրամբարաշինությամբ:

Լուրջ խնդիր է նաև կլիմայի փոփոխությամբ պայմանավորված ջրային ռեսուրսների փոփոխությունը: Սկսած 1994 թվականից բոլոր տարիներին նկատվում է ջերմաստիճանի շարունակական բարձրացում , և լեռնային շրջաններում տեղումները նկատվում են միայն անձրևի տեսքով:

ՀՀ շրջակա միջավայրի նախարարության «Հիդրոօդերևութաբանության և մոնիտորինգի կենտրոն» ՊՈԱԿ-ի տնօրենի տեղակալ Գագիկ Սուրենյանն էլ հայտնեց, որ երեկոյան հերթական հզոր ցիկլոնը կներթափանցի Հայաստան։

 Լուսանկարներ

  Կիսվեք սոցցանցերում


 Պիտակներ
         ջրամբարներ, Լևոն Ազիզյան, Հայաստան, Սևանա լիճ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon