Հայերի և ադրբեջանցիների միջև միջադեպ է եղել. Ստեփանակերտ-Բերձոր ճանապարհը փակ է (լրացված)

Արցախ 13.11.2021   10:00   106

Ստեփանակերտ-Բերձոր միջպետական ճանապարհը երկկողմանի փակ է։ Այս մասին տեղեկացնում է ԱՀ ներքին գործերի նախարարությունը։

«Հայկական և ադրբեջանական կողմերի միջև տեղի ունեցած միջադեպի  պատճառով, այս պահին Ստեփանակերտ-Բերձոր միջպետական ճանապարհը երկկողմանի փակ է:

Արցախի Հանրապետության իրավապահ մարմինները՝ ռուսական խաղաղապահ զորակազմի հետ մեկտեղ, հակառակորդ կողմի հետ վարում են բանակցություններ՝ երթևեկն անխափան կազմակերպելու ուղղությամբ:

Միջադեպի հետ կապված մյուս մանրամասները կհրապարակվի ավելի ուշ»,–ասվում է հաղորդագրության մեջ:

Լրացված.

Ըստ տեղեկությունների՝ Արցախում` Շուշիի մերձակայքում, պայթյուն է տեղի ունեցել, ինչին հաջորդել է փոխհրաձգություն։
Հայկական Telegram ալիքները գրում են, որ զոհվածի եղբայրը նռնակ է նետել ադրբեջանցիների ուղղությամբ, ինչին հաջորդել են կրակոցները։
ԱՀ ներքին գործերի նախարարության հաղորդագրության համաձայն` պատճառը հայկական և ադրբեջանական կողմերի միջև տեղի ունեցած միջադեպն է։

Լրացված.

Ստեփանակերտ-Շուշի-Բերձոր միջպետական ճանապարհը երկկողմանի բաց է: Տեղեկությունը հայտնում է ԱՀ ոստիկանության մամուլի ծառայությունը։
«Ազատ ու անվտանգ երթևեկը կապահովի ռուսական խաղաղապահ զորակազմը»,–նշվում է ոստիկանության հաղորդագրության մեջ:

 Լուսանկարներ

  Կիսվեք սոցցանցերում


 Պիտակներ
         միջադեպ, Արցախ, Ստեփանակերտ-Բերձոր ճանապարհ, ԼՂ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon