Armeniasputnik. Քարվաճառում տեղադրված դարպասները կոտրվել են, ադրբեջանցիներն առաջ են գալիս. Թովմասյան

Կարևոր 26.11.2020   17:51   749

Գեղարքունիքի մարզը ներկայացնող պատգամավորը չբացառեց, որ իր ելույթի ընթացքում արդեն պարզվի նաև, որ ադրբեջանցիները հասել են Սոթք ու մտել ոսկու հանքի տարածք:

Քարվաճառում երեկ տեղադրված դարպասները կոտրվել են: Այսօր ԱԺ ամբիոնից հայտարարեց անկախ պատգամավոր Թագուհի Թովմասյանը:

«Քարվաճառի շրջանում մենք լուրջ խնդիրներ ունեն. երեկ դրված դարպասներն այսօր արդեն կոտրվել են, ու իրենք առաջ են գալիս»,- ասաց Թովմասյանը:

Նա նաև հայտնեց, որ քիչ առաջ է խոսել կորպուսի հրամանատարի հետ, նա հաստատել է այդ տեղեկությունն ու ասել, որ դարպասները կոտրվել են ու առաջ են բերվում, որ այլ տեղ դնեն:

«Ու դա, մեղմ ասած, խայտառակություն է: Ես չեմ հասկանում՝ եռակողմ պայմանագրի երկրորդ կամ երրորդ կողմը ուր է: Ուղղակի անհասկանալի է»,- ասաց Թովմասյանը:

Որպես Գեղարքունիքի մարզից ընտրված պատգամավոր` Թովմասյանը բանակին կոչ արեց կանգնել թշնամու վտանգի առաջ միայնակ մնացած ժողովրդի կողքին:

Նա նաև չբացառեց, որ իր ելույթի ընթացքում արդեն պարզվի նաև, որ ադրբեջանցիները հասել են Սոթք ու մտել ոսկու հանքի տարածք, մինչդեռ իր հետ զրույցում կորպուսի հրամանատարը չէր հաստատել այդ տեղեկությունները: Տեղեկությունը փոխանցում է armeniasputnik.am-ը:

 

 Լուսանկարներ

  Կիսվեք սոցցանցերում


 Պիտակներ
         Քարվաճառ, Թագուհի Թովմասյան

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon