Պաշտոնական
Ֆելիքս Ցոլակյանն իր՝ ԱԱԾ տնօրեն նշանակվելու մասին
![Ֆելիքս Ցոլակյանն իր՝ ԱԱԾ տնօրեն նշանակվելու մասին](/_nw/2/59517150.png)
Արտակարգ իրավիճակների նախարարի պաշտոնակատար Ֆելիքս Ցոլակյանը պնդում է՝ մամուլում շրջանառվող լուրերը, որ ինքն առաջիկայում կզբաղեցնի Ազգային անվտանգության ծառայության տնօրենի պաշտոնը իրականությանը չի համապատասխանում:
«Ես այսօր նոր Երևան եմ գալիս, բացարձակ սուտ է, իրենց համար գրում են էլի»,- պատասխանելով Factor.am-ի հարցին՝ ասաց Ֆելիքս Ցոլակյանը:
Նշենք, որ ըստ մամուլի հրապարակումների՝ ԱԱԾ տնօրեն Արթուր Վանեցյանը կարող է նշանակվել առաջին փոխվարչապետ, այդ պաշտոնում փոխարինելով Արարատ Միրզոյանին, ով, ըստ ամենայնի, կընտրվի ԱԺ նախագահ: Իսկ ԱԱԾ տնօրեն կնշանակվի Արտակարգ իրավիճակների նախարարի պաշտոնակատար Ֆելիքս Ցոլակյանը,որը «Իմ քայլը» դաշինքից ամենաշատ ձայն հավաքած ռեյտինգային թեկնածուներից է: