Պաշտոնական
Արծրուն Հովհաննիսյան. Թշնամին փոխել է մարտավարությունը (տեսանյութ)
Հիմնական ռազմական գործողություններն Արցախյան ճակատում ընթանում են երեք ուղղություններով` հյուսիսային, կենտրոնական և հարավարևելյան։ Տեղեկությունը Sputnik Արմենիայի հետ զրույցում հայտնեց ՀՀ ՊՆ պաշտոնական ներկայացուցիչ Արծրուն Հովհաննիսյանը։
Հակառակորդի դիվերսիոն խմբերը պարբերաբար փորձում են ներթափանցել, սակայն Արցախի պաշտպանության բանակը կարողանում է չեզոքացնել նրանց։
«Այս պահին հակառակորդի կողմից կա որոշակի մարտավարական փոփոխություն` հիմնականում գրոհում են ոչ թե մեխանիզացված ստորաբաժանումների կազմով` տանկեր և այլն, այլ հետևակային խմբերով»–նշեց Հովհաննիսյանը։
Նա հավելեց, որ Արցախի հարավարևելյան ուղղությամբ ադրբեջանական դիվերսիոն խմբերի ներթափանցման չեզոքացման ուղղությամբ այսօր որոշակի հաջողություններ են արձանագրվել։