Պաշտոնական
ՀՀ ՊՆ խոսնակ. Շրջանառվող տեղեկությունն իրականությանը չի համապատասխանում
Օգոստոսի 2-ի լույս 3-ի գիշերը և այսօր առավոտյան հայ-ադրբեջանական պետական սահմանին պահպանվել է հարաբերական անդորր։ Տեղեկությունը ֆտյսբուքի իր էջում հայտնել է ՀՀ ՊՆ խոսնակ Շուշան Ստեփանյանը։
ՀՀ Պն խոսնակը գրել է, որ ադրբեջանական կողմը հրաձգային զինատեսակներից խախտել է կրակի դադարեցման ռեժիմը 8 անգամ` հայկական դիրքերի ուղղությամբ արձակելով շուրջ 95 կրակոց:
Խախտումները եղել են Կոթիի ուղղությամբ տեղակայված մարտական դիրքերի հատվածում` 2, Զանգակատան ուղղությամբ տեղակայված մարտական դիրքերի հատվածում` 6 անգամ։
«Ինչ վերաբերում է օդային իրադրությանը, ապա շրջանառվող տեղեկությունը իրականությանը չի համապատասխանում»,–գրել է Ստեփանյանը։