Հասարակություն
Տիգրան Պասկևիչյան. «Վանո Սիրադեղյանի անունը չկա գրականության ցանկում, և դա ամոթ է». ասուլիս
Մարդիկ կան, որոնք լուրջ գրական փաստեր են ստեղծել գրականության մեջ, բայց քանի որ ֆեյսբուքում, սոցցանցերում ակտիվ չեն, մոռացվում են, օրինակ` Արմեն Դավթյանը, այսօր այդ մարդը թողել է պոեզիան, զբաղվում է պատմական հետազոտություններով, ու չկա ֆեյսբուքում, նրան մոռացել են», «Հայացք» մամուլի ակումբում ասաց lրագրող, բանաստեղծ, վավերագրող Տիգրան Պասկեւիչյանը.
«Չկա ցանկերում Վանո Սիրադեղյանը, և դա ամոթ է, եթե անգամ նա հետախուզման մեջ է, այդ հարցերը կապված են քաղաքական գործիչ Վանո Սիրադեղյանի հետ, ոչ թե գրող Վանո Սիրադեղյանի հետ…Վանո Սիրադեղյանի նման քանի՞ արձակագիր ունեք, որ նրան դուրս եք թողել…Նման կերպ վարվելը նույն սովետական մտայնության հետևանք է…»: