Հավաք նախագահականի դիմաց. «ԱՄՆ փոխնախագահից պահանջում ենք աջակցել հայ գերիների ազատմանը». (ուղիղ)
ԱՄՆ փոխնախագահ Ջեյմս Դևիդ Վենսի այցով պայմանավորված` Հրապարակում տեղ է ունենում Բաքվում ապօրինաբար պահվող հայ գերիների ազատ արձակման պահանջով ակցիա:
Հավաքը կազմակերպվում է ԱՄՆ փոխնախագահի՝ Երևան կատարած այցի ընթացքում՝ ԱՄՆ և միջազգային հանրության ուշադրությունը ևս մեկ անգամ այդ կարևոր հարցին հրավիրելու նպատակով։
Մենք պարտավոր ենք հստակ և միասնական ուժով բարձրաձայնել, որ յուրաքանչյուր հայ գերի պետք է անհապաղ և անվերապահ ազատ արձակվի։ Գերիների հարցը քաղաքական սակարկության առարկա չէ. այն մարդու հիմնարար իրավունքների և արժանապատվության հարց է։
Կոչ ենք անում բոլորին միանալ հանրահավաքին՝ համերաշխությամբ և պատասխանատվությամբ արտահայտելու մեր պահանջը և ցույց տալու, որ մեր հայրենակիցների ճակատագիրը չի կարող մոռացության մատնվել։
Յուրաքանչյուրի ներկայությունը կարևոր է։
Բաքվում ապօրինաբար պահվող հայ գերիների ազատ արձակման պահանջով հավաքը տեղի կունենա այսօր՝ փետրվարի 9-ին ժամը 17:00, Երևան, Բաղրամյան 26 հասցեում, ՀՀ նախագահի նստավայրի դիմաց («Մարշալ Բաղրամյան» կայարանի հարևանությամբ)։
Նշենք, որ ԱՄՆ փոխնախագահը Հայաստանում կլինի փետրվարի 9-10-ը։